គោលការណ៍ភាពឯកជន EASYBOOK

មានប្រសិទ្ធភាពចាប់ពី៖ ៣០ តុលា ២០២០

សេចក្តីផ្តើម

គោលការណ៍ភាពឯកជននេះ (“គោលការណ៍ភាពឯកជន”) ពិពណ៌នាអំពីរបៀបដែល Easybook (SG) Pte Ltd និងក្រុមហ៊ុនកូនរបស់ខ្លួន ក្រុមហ៊ុនជាប់ពាក់ព័ន្ធ ក្រុមហ៊ុនដែលមានទំនាក់ទំនង និងអង្គភាពដែលត្រូវបានគ្រប់គ្រងរួម (ដែលហៅរួមគ្នាថា “ក្រុមហ៊ុនកូន”) (“Easybook”, “យើង”, “ពួកយើង” ឬ “របស់យើង”) ប្រមូល ប្រើ បញ្ចូល ដំណើរការ ចែករំលែក និងបង្ហាញព័ត៌មានអំពីអ្នក នៅពេល អ្នកចូលទស្សនា និងអន្តរកម្មលើគេហទំព័រ (ទូរស័ព្ទចល័ត និងកុំព្យូទ័រ) និងកម្មវិធីទូរស័ព្ទចល័ត (ហៅរួមថា “តំបន់បណ្តាញ”) របស់យើង ឬតាមរយៈវិធីផ្សេងៗទៀតដែលពាក់ព័ន្ធនឹងតំបន់បណ្តាញទាំងនេះ (ដូចជា ការទាក់ទងក្រុមសេវាកម្មអតិថិជនរបស់យើងតាមរយៈការជជែក ឬអ៊ីមែល)។

គោលការណ៍នេះ អនុវត្តចំពោះ អ្នកប្រើប្រាស់ អតិថិជន អ្នក​ដំណើរ អ្នកប្រតិបត្តិការ អ្នកផ្គត់ផ្គង់ ដៃគូ (ដូចជា ក្រុមហ៊ុនដឹកជញ្ជូន និងដៃគូពាណិជ្ជកម្ម) អ្នកម៉ៅការ និងអ្នកផ្តល់សេវាកម្ម (ហៅរួមថា “អ្នក”, “របស់អ្នក” ឬ “ជារបស់អ្នក”)។

“ទិន្នន័យផ្ទាល់ខ្លួន” គឺជាព័ត៌មានគ្រប់ប្រភេទដែលអាចប្រើដើម្បីកំណត់អត្តសញ្ញាណរបស់អ្នក ដោយផ្ទាល់ ឬប្រយោល ឬ ធ្វើឱ្យអាចកំណត់អត្តសញ្ញាណរបស់អ្នកបាន។ ព័ត៌មាននេះ រួមបញ្ចូល ប៉ុន្តែមិនកំណត់ត្រឹមតែ ឈ្មោះ សញ្ជាតិ លេខទូរស័ព្ទ ព័ត៌មានធនាគារ និងកាតឥណទាន ចំណាប់អារម្មណ៍ផ្ទាល់ខ្លួន អាសយដ្ឋានអ៊ីមែល រូបភាពរបស់អ្នក លេខអត្តសញ្ញាណដែលចេញដោយរដ្ឋ ទិន្នន័យជីវម៉ែត្រ ជនជាតិ ប្រភេទជំនាន់ ថ្ងៃខែឆ្នាំកំណើត ស្ថានភាពអាពាហ៍ពិពាហ៍ សាសនា ព័ត៌មានសុខភាព ព័ត៌មានអំពីយានយន្ត និងការធានារ៉ាប់រង។

1. ព័ត៌មានដែលយើងប្រមូល

   យើងប្រមូលទិន្នន័យផ្ទាល់ខ្លួនអំពីអ្នក តាមរយៈវិធីដូចខាងក្រោម។ យើងក៏អាចបញ្ចូលទិន្នន័យផ្ទាល់ខ្លួន ដែលបានប្រមូលនេះ ជាមួយទិន្នន័យផ្ទាល់ខ្លួនផ្សេងទៀត ដែលយើងកំពុងកាន់កាប់ផងដែរ៖

   • យើងប្រមូលព័ត៌មានអំពីអ្នក ដែលអ្នកផ្តល់ឱ្យយើងដោយស្ម័គ្រចិត្ត នៅពេលអ្នកប្រើប្រាស់តំបន់បណ្តាញ ដូចជា ឈ្មោះ អាសយដ្ឋាន លេខទូរស័ព្ទ ព័ត៌មានបង់ប្រាក់ ព័ត៌មានលម្អិតអំពីកាតឥណទាន និងអាសយដ្ឋានអ៊ីមែល។
   • ក្នុងអំឡុងពេលដែលអ្នកចូលទស្សនាតំបន់បណ្តាញរបស់យើង យើងក៏អាចប្រមូលព័ត៌មានប្រើប្រាស់មួយចំនួនដោយស្វ័យប្រវត្តិ ដូចជា អាសយដ្ឋាន IP ទិន្នន័យភូមិសាស្ត្រ ប្រទេស ចំណូលចិត្តការស្វែងរកដែលពាក់ព័ន្ធនឹងការស្វែងរកជាក់លាក់ ប្រោសឺរ និង ព័ត៌មានអំពីប្រព័ន្ធប្រតិបត្តិការរបស់ឧបករណ៍កុំព្យូទ័រ កំណែកម្មវិធី ការកំណត់ភាសា និង ទំព័រដែលបានបង្ហាញសម្រាប់អ្នក។ ប្រសិនបើអ្នកកំពុងប្រើឧបករណ៍ចល័ត ដើម្បីចូលប្រើកម្មវិធីទូរស័ព្ទរបស់យើង ឬតំបន់បណ្តាញដែលបានធ្វើឱ្យសមរម្យសម្រាប់ទូរស័ព្ទចល័ត យើងក៏អាចប្រមូលព័ត៌មានដែលអាចកំណត់អត្តសញ្ញាណឧបករណ៍ចល័តរបស់អ្នក ដូចជា លេខសម្គាល់ឧបករណ៍ ទីតាំងឧបករណ៍ (ជាមួយការយល់ព្រមរបស់អ្នក) និងការកំណត់ និងលក្ខណៈពិសេសរបស់ឧបករណ៍។
   • យើងប្រមូលព័ត៌មាននៅពេលដែលអ្នកចាំបាច់ត្រូវទាក់ទងក្រុមសេវាកម្មអតិថិជនរបស់យើង ឬទាក់ទងមកយើងតាមរយៈ វិធីផ្សេងទៀត (ដូចជា តាមបណ្តាញសង្គម ឬការទាក់ទងជាមួយក្រុមហ៊ុនដឹកជញ្ជូនរបស់យើង)។
   • នៅពេលអ្នកដាក់ស្នើមតិយោបល់ (review) អំពីបទពិសោធន៍ការកក់ បទពិសោធន៍ការធ្វើដំណើរ ឬសេវាបន្ថែមផ្សេងៗ ដែលអាចប្រើបានលើតំបន់បណ្តាញរបស់យើង តាមរយៈយើង យើងនឹងប្រមូលព័ត៌មានពីអ្នក រួមមាន មតិយោបល់របស់អ្នក ឈ្មោះ អាសយដ្ឋានអ៊ីមែល និង/ឬ ប្រទេសដែលមានលំនៅឋាន។
   • នៅពេលអ្នកកំពុងធ្វើការកក់ និង/ឬ កម្មង់សំបុត្រសម្រាប់ភ្ញៀវ ឬអ្នកដំណើរផ្សេងទៀត ដែលអ្នកផ្តល់ព័ត៌មានលម្អិត អំពីពួកគេជាផ្នែកមួយនៃការកក់ និង/ឬ ការកម្មង់ ឬបើអ្នកធ្វើការកក់ និង/ឬ កម្មង់ សម្រាប់នរណាម្នាក់ផ្សេងទៀត វាជា​ការទទួលខុសត្រូវរបស់អ្នក ក្នុងការធានាថា បុគ្គល ឬមនុស្សដែលអ្នកបានផ្តល់ទិន្នន័យផ្ទាល់ខ្លួនអំពីពួកគេ ត្រូវបានជម្រាបអំពីការធ្វើការនេះរួចរាល់ ហើយបានយល់ និងព្រមទទួល អំពីរបៀបដែល Easybook ប្រើប្រាស់ព័ត៌មានរបស់ពួកគេ (ដូចដែលបានពិពណ៌នានៅក្នុងគោលការណ៍ភាពឯកជននេះ)។
   • ភ្នាក់ងារ ឬដៃគូរបស់យើងអាចចែករំលែកព័ត៌មានអំពីអ្នកជាមួយយើង ប្រសិនបើអ្នកមានសំណួរ​ទាក់ទងនឹងការកក់ និង/ឬ ការកម្មង់របស់អ្នក ឬប្រសិនបើមានវិវាទកើតឡើងទាក់ទងនឹងការកក់ និង/ឬ ការកម្មង់របស់អ្នក ស្តីពីសេវាកម្មដែលផ្តល់ដោយយើង។
   • លុះត្រាតែចាំបាច់ ដើម្បីអនុវត្តអំពីតម្រូវការផ្នែកច្បាប់ ឬបទប្បញ្ញត្តិ យើងអាចប្រមូល ព័ត៌មានដែលមានលក្ខណៈពិសេស និងអាចចាត់ទុកថារសូវងាយរងគ្រោះ ដូចជា លេខអត្តសញ្ញាណជាតិ ជនជាតិ ស្ថានភាពអាពាហ៍ពិពាហ៍ និងព័ត៌មានសុខភាព ឬជំនឿសាសនារបស់អ្នក។

2. គោលបំណង

   យើងអាចប្រើ បញ្ចូល និងដំណើរការទិន្នន័យផ្ទាល់ខ្លួនដែលបានប្រមូលតាមរយៈតំបន់បណ្តាញ ដើម្បី៖

   • ផ្តល់ជូនអ្នកនូវផលិតផល និង/ឬ សេវាកម្មដែលអ្នកស្នើសុំ ដូចជា បង្កើតគណនីអ្នកប្រើប្រាស់ជាមួយយើង ដំណើរការ និងបញ្ជាក់ការកក់ និង/ឬ ការកម្មង់សំបុត្ររបស់អ្នក ការឆ្លើយតប និង/ឬ ទំនាក់ទំនងជាមួយអ្នកអំពីសេវាកម្មរបស់យើង សំណួរ ការស្នើសុំពិសេស ការលុបចោល និង/ឬ ព្រឹត្តិការណ៍រង្វាន់របស់អ្នក;
   • ឆ្លើយតបចំពោះសំណួរ មតិយោបល់ និងមតិវិសោធន៍ (feedback) ពីអ្នក;
   • ស៊ើបអង្កេត និងដោះស្រាយបញ្ហា ឬការព្រួយបារម្ភ ដែលបានលើកឡើងដោយអ្នក ទាក់ទងនឹងផលិតផល និង/ឬ សេវាកម្ម;
   • ដំណើរការការកក់ និង/ឬ ការកម្មង់សំបុត្រ កិច្ចការ​ទាក់ទងនឹងការទូទាត់ប្រាក់ ការវិភាគអាជីវកម្ម;
   • ផ្ញើសារផ្សព្វផ្សាយតាមអ៊ីមែល ទ្រង់ទ្រាយផ្សេងៗ រួមទាំងការជំរុញជូនលើទូរស័ព្ទចល័ត (mobile push notifications) អ៊ីមែល សារ SMS MMS និង/ឬ ការហៅទូរស័ព្ទ (telemarketing) ស្តីពីផលិតផល និងសេវាកម្មដែលអាចពាក់ព័ន្ធ ឬមានប្រយោជន៍ចំពោះអ្នក។ តាមរយៈចំណុច ១១ ខាងក្រោម អ្នកអាចជ្រើសរើសបោះបង់ការទទួលសារផ្សព្វផ្សាយបែបនេះ ពីយើងបានគ្រប់ពេលវេលា។
   • ធ្វើការស្ទង់មតិ ការស្រាវជ្រាវ និងការអភិវឌ្ឍទីផ្សារ ឬផ្តល់ព័ត៌មានអំពីសេវាកម្មរបស់យើង លើតំបន់បណ្តាញរបស់យើង ឬតំបន់បណ្តាញផ្សេងទៀតដែលអ្នកប្រហែលជាទស្សនា;
   • ថែទាំ និងកែលម្អតំបន់បណ្តាញ ប្ដូរតាមតម្រូវការ និងបង្កើនបទពិសោធន៍អ្នកប្រើប្រាស់ និងសម្រាប់គោលបំណងបណ្តុះបណ្តាលផ្ទៃក្នុង;
   • តាមដាន ដំណើរការ និង/ឬ កត់ត្រាការប្រើប្រាស់តំបន់បណ្តាញរបស់អ្នក ដើម្បីផ្តល់ឲ្យអ្នកនូវ បទពិសោធន៍ប្រើប្រាស់ដែលរលូន និងជាប់លាប់;
   • ការពារសុវត្ថិភាពរបស់អ្នក និងរបស់តំបន់បណ្តាញ;
   • ប្រតិបត្តិការលើសិទ្ធិ ឬកាតព្វកិច្ចមួយ ដែលបានផ្ដល់ឬបានកំណត់ដោយច្បាប់ រួមទាំងការឆ្លើយតបចំពោះសំណើ និងតម្រូវការផ្លូវច្បាប់ផ្សេងៗ;
   • ទាក់ទងនឹងការរួមបញ្ចូល ការទិញយក កិច្ចព្រមព្រៀងរួម (joint ventures) ការលក់ទ្រព្យសកម្មរបស់ក្រុមហ៊ុន ការរួមបញ្ចូលសាខា ការរៀបចំរចនាសម្ព័ន្ធឡើងវិញ ការផ្តល់ហិរញ្ញប្បទាន ប្រតិបត្តិការទ្រព្យសកម្មអាជីវកម្ម ឬការទិញយកអាជីវកម្ម ទាំងមូល ឬផ្នែកមួយនៃអាជីវកម្មរបស់យើង ដោយក្រុមហ៊ុនផ្សេង។
   (ហៅរួមថា “គោលបំណង” ឬគោលបំណងនីមួយៗ “គោលបំណង”)

3. ការចែករំលែក និងការបង្ហាញព័ត៌មាន

   ទាក់ទងនឹងការចូលទស្សនាតំបន់បណ្តាញរបស់អ្នក និងការប្រើប្រាស់សេវាកម្មរបស់យើង យើងអាចចែករំលែក ឬបង្ហាញទិន្នន័យផ្ទាល់ខ្លួនរបស់អ្នកដូចខាងក្រោម៖

   • ជាមួយក្រុមហ៊ុនកូនរបស់យើង ដែលបុគ្គលិករបស់ក្រុមហ៊ុនកូនទាំងនេះ មានសិទ្ធិឱ្យចូលប្រើទិន្នន័យផ្ទាល់ខ្លួន តាមការអនុញ្ញាតរបស់យើង និងត្រូវការដឹង ឬចូលប្រើទិន្នន័យផ្ទាល់ខ្លួននេះ ដើម្បីអនុវត្តសេវាកម្ម តាមដែលអ្នកស្នើសុំ (រួមទាំងសេវាកម្មអតិថិជន) និងសម្រាប់ការស៊ើបអង្កេតផ្ទៃក្នុង (ត្រួតពិនិត្យ/អនុវត្តតាមច្បាប់)។
   • ជាមួយអ្នកផ្តល់សេវាមួយភាគីទីបី ដែលផ្តល់សេវាចំណូលទិន្នន័យ ឬដំណើរការទិន្នន័យឱ្យយើង (ឧទាហរណ៍ សេវាម៉ាស៊ីនមេគេហទំព័រ) ឬដែលដំណើរការទិន្នន័យផ្ទាល់ខ្លួនសម្រាប់គោលបំណងដូចជា ការបញ្ចូល និងដំណើរការកាតឥណទាន និងការទូទាត់ប្រាក់ ការវិភាគអាជីវកម្ម សេវាកម្មអតិថិជន ទីផ្សារផ្សព្វផ្សាយ ឬការចែកចាយសំណួរស្ទង់មតិ ដើម្បីសម្រួលការផ្តល់សេវាកម្មតាមអ៊ីនធឺណិត និងការផ្សព្វផ្សាយពាណិជ្ជកម្ម ដែលត្រូវបានកែតម្រូវឱ្យសមរម្យនឹងចំណាប់អារម្មណ៍របស់អ្នក និង/ឬ ការការពារការក្លែងបន្លំ។ អ្នកផ្តល់សេវាមួយភាគីទីបីរបស់យើងនឹងដំណើរការព័ត៌មាន តែក្នុងកម្រិតដែលចាំបាច់សម្រាប់បំពេញភារកិច្ចរបស់ពួកគេប៉ុណ្ណោះ។ ពួកគេមិនត្រូវបានអនុញ្ញាតឱ្យចែករំលែក ឬប្រើប្រាស់ព័ត៌មាននោះ សម្រាប់គោលបំណងផ្សេងទៀតឡើយ។
   • ជាមួយភ្នាក់ងារ អ្នកផ្គត់ផ្គង់ ដៃគូ អ្នកម៉ៅការ និងអ្នកផ្តល់សេវា (ដូចជា ក្រុមហ៊ុនដឹកជញ្ជូន និងដៃគូពាណិជ្ជកម្ម) ដែលយើងបានតែងតាំង (ហៅរួមថា “អ្នកផ្គត់ផ្គង់”)។ អ្នកផ្គត់ផ្គង់ទាំងនេះ អាចទាក់ទងមកអ្នក នៅពេលចាំបាច់ ដើម្បីទទួលបានព័ត៌មានបន្ថែមអំពីអ្នក អនុវត្តអំពីការកក់ដំណើរកម្សាន្តរបស់អ្នក ឬឆ្លើយតបទៅនឹងមតិយោបល់ (review) ដែលអ្នកបានដាក់ស្នើ តាមគោលការណ៍ភាពឯកជនឯករាជ្យរបស់ពួកគេផ្ទាល់។
   • ជាមួយដៃគូអាជីវកម្ម ដែលយើងអាចផ្តល់ជូនផលិតផល ឬសេវាកម្មរួមគ្នា ឬផលិតផល និងសេវាកម្មរបស់ពួកគេ អាចត្រូវបានផ្តល់ជូនលើតំបន់បណ្តាញរបស់យើង ឬផលិតផល និងសេវាកម្មរបស់ពួកគេ ដែលយើងគិតថា អាចមានប្រយោជន៍ ឬមានចំណាប់អារម្មណ៍ចំពោះអ្នក។
   • នៅពេលចាំបាច់ ឬត្រូវបានអនុញ្ញាតដោយច្បាប់ - ដូចជា ការការពារខ្លួនយើងពីបន្ទុកទទួលខុសត្រូវផ្លូវច្បាប់ ការឆ្លើយតបចំពោះសំណើស្តីពីសាលក្រម អំណាចតុលាការ សំណើសុំផ្លូវការ លិខិតបង្គាប់ ឬឯកសារសុពលភាពស្មើគ្នាផ្សេងទៀត ពីមន្រ្តី ប៉ូលីស ឬអាជ្ញាធរអនុវត្តច្បាប់ ការស៊ើបអង្កេតអំពើបោកបញ្ឆោត ឬអំពើខុសច្បាប់ផ្សេងៗ ឬតាមដែលត្រូវ ឬចាំបាច់ ដើម្បីអនុវត្តតាមច្បាប់ដែលមានប្រសិទ្ធិភាព។ យើងក៏អាច បើមានការអនុលោមតាមច្បាប់ បង្ហាញព័ត៌មានរបស់អ្នក ដើម្បីអនុវត្ត ឬអនុវត្តតាមលក្ខខណ្ឌ និងកិច្ចព្រមព្រៀងដែលអនុវត្តចំពោះសេវាកម្មរបស់យើង ឬដើម្បីការពារសិទ្ធិ ទ្រព្យសម្បត្តិ ឬសុវត្ថិភាពរបស់ Easybook អ្នកប្រើប្រាស់របស់យើង ឬមនុស្សផ្សេងទៀត។
   • ក្នុងករណីរៀបចំអាជីវកម្មឡើងវិញ - ដូចជា ចំណែកមួយនៃការលក់ ការផ្ទេរ ឬការផ្លាស់ប្តូរអាជីវកម្មរបស់យើង ឬការផ្លាស់ប្តូរសេវាកម្មទៅកាន់អ្នកផ្តល់សេវាផ្សេងទៀត។ យើងនឹងស្នើសុំការយល់ព្រមពីអ្នក ប្រសិនបើច្បាប់ដែលអនុវត្ត ទាមទារ​ឱ្យធ្វើដូច្នេះ។

4. មនុស្សអាយុក្រោម ១៨ ឆ្នាំ

   តំបន់បណ្តាញរបស់យើង មិនមានបំណងផ្តោតទៅលើមនុស្សអាយុកណ្តាលក្រោម ១៨ ឆ្នាំទេ។ ទោះជាយ៉ាងណា ក្មេងអាយុក្រោម ១៨ ឆ្នាំ អាចធម្មតាត្រូវបានដំណើរផ្សងព្រេងជាមួយ មាតាបិតា ឬអ្នកអាណាព្យាបាលត្រឹមត្រូវរបស់ពួកគេ ដែលបានកក់ កម្មង់ ឬទិញផលិតផល និង/ឬសេវាកម្មរបស់យើងរួច។

5. ខូឃី (Cookies)

   តំបន់បណ្តាញរបស់យើង ប្រើប្រាស់ និងអនុញ្ញាតឱ្យភាគីទីបី ដាក់ខូឃី (ទម្រង់សម័យ និងអចិន្ត្រៃយ៍) pixels/tags SDKs និងកម្មវិធីចំណុចប្រទាក់ (application program interfaces – "APIs") និងបច្ចេកវិទ្យាផ្សេងៗទៀត (ហៅរួមថា “Cookies”) លើតំបន់បណ្តាញរបស់យើង ដែលប្រមូល និងរក្សាទុកព័ត៌មានមួយចំនួនអំពីអ្នក។ ខូឃីមួយចំនួន ត្រូវបានទាមទារឱ្យមាន ដើម្បីផ្តល់ធានា បទពិសោធន៍សុវត្ថិភាព និងការថែទាំតំបន់បណ្តាញឱ្យអ្នក ដូចជា រក្សាស្ថានភាពឲ្យអ្នកនៅតែបានចូលគណនី ខណៈពេលអ្នកកំពុងប្រើប្រាស់តំបន់បណ្តាញរបស់យើង ខណៈដែល ខូឃីផ្សេងទៀត ត្រូវបានប្រើ ដើម្បីផ្តល់ឱ្យអ្នកនូវបទពិសោធន៍ប្រើប្រាស់ល្អប្រសើរឡើង ដូចជា៖

   • ការផ្ទាល់ខ្លួនតំបន់បណ្តាញ ដោយការចងចាំព័ត៌មានអំពីសកម្មភាពរបស់អ្នកលើតំបន់បណ្តាញ (ឧ. ភាសាដែលអ្នកបានជ្រើស ឬព័ត៌មានចូលគណនីរបស់អ្នក);
   • អនុវត្តការវិភាគគេហទំព័រ ដូចជា របាយការណ៍ចំនួនការមើលទំព័រ (impression reporting) របាយការណ៍ប្រជាជនវិទ្យា និងរបាយការណ៍ចំណាប់អារម្មណ៍ ដើម្បីកែលម្អតំបន់បណ្តាញ និងសេវាកម្មរបស់យើង; និង
   • ផ្តល់ការផ្សព្វផ្សាយពាណិជ្ជកម្ម ដែលត្រូវបានកែតម្រូវឱ្យសមស្របនឹងចំណាប់អារម្មណ៍របស់អ្នក។

   សូមពិនិត្យមើលការកំណត់ក្នុងកម្មវិធីរុករកអ៊ីនធឺណិតរបស់អ្នក ជាទូទៅស្ថិតនៅក្នុងផ្នែក "Help" ឬ "Internet Options" ដើម្បីអនុវត្តជម្រើសរបស់អ្នក ទាក់ទងនឹងខូឃីមួយចំនួន។ បើសិនអ្នកបិទ ឬលុបខូឃីមួយចំនួន ក្នុងការកំណត់កម្មវិធីរុករក អ្នកប្រហែលជាមិនអាចចូលប្រើ ឬប្រើប្រាស់មុខងារ ឬលក្ខណៈពិសេសសំខាន់ៗមួយចំនួននៃតំបន់បណ្តាញនេះបានទេ ហើយអ្នកអាចត្រូវបញ្ចូលព័ត៌មានចូលគណនីរបស់អ្នកម្ដងទៀត។

6. ការផ្ទេរទិន្នន័យ

   ទាក់ទងនឹងគោលបំណងដែលបានពិពណ៌នាខាងលើ ទិន្នន័យផ្ទាល់ខ្លួនរបស់អ្នក អាចត្រូវបានផ្ទេរចេញពី ប្រទេសដើមរបស់អ្នក និង/ឬ រក្សាទុកនៅតំបន់ទីតាំងខាងក្រៅប្រទេសរបស់អ្នក។ យើងផ្តល់ការការពារសមស្រប សម្រាប់ការផ្ទេរទិន្នន័យឆ្លងព្រំដែន តាមដែលច្បាប់ទាមទារ សម្រាប់ការផ្ទេរទិន្នន័យអន្តរជាតិ រួមទាំង ព័ត៌មានដែលបានផ្ទេរទៅកាន់ភាគីទីបី។ ក្នុងបរិបទនេះ អ្នកសូមទទួលស្គាល់ យល់ព្រម និងអនុញ្ញាត ឲ្យយើងផ្ទេរទិន្នន័យផ្ទាល់ខ្លួនរបស់អ្នក ពីប្រទេសរបស់អ្នក ទៅកាន់ប្រទេសផ្សេងទៀត។

7. រយៈពេលរក្សាទុក

   យើងនឹងរក្សាទុកទិន្នន័យផ្ទាល់ខ្លួនរបស់អ្នក រហូតដល់រយៈពេលដែលចាំបាច់ ដើម្បីបំពេញគោលបំណង ដែលបានរៀបរាប់ក្នុងគោលការណ៍ភាពឯកជននេះ និងគោលការណ៍ផ្ទៃក្នុងរបស់ក្រុមហ៊ុន។ នៅពេលយើងមិនចាំបាច់ ប្រើប្រាស់ព័ត៌មានរបស់អ្នកទៀត យើងនឹង – លុះត្រាតែយើងត្រូវការរក្សាទុកព័ត៌មានរបស់អ្នក ដើម្បីអនុវត្តតាមកាតព្វកិច្ច ផ្នែកច្បាប់ ឬបទប្បញ្ញត្តិដែលអនុវត្ត ឬនៅតែទាមទារទិន្នន័យផ្ទាល់ខ្លួន ដើម្បីអនុវត្តភារកិច្ចក្នុងក្រុមហ៊ុន និងសម្រេចគោលដៅអាជីវកម្ម – យកព័ត៌មាននោះចេញពីប្រព័ន្ធ និងកំណត់ត្រារបស់យើង និង/ឬ ធ្វើជំហានដែលសមស្រប ដើម្បីធ្វើឱ្យព័ត៌មាននោះក្លាយជាអនាមិក (anonymize) ដើម្បីឲ្យមិនអាចកំណត់អត្តសញ្ញាណរបស់អ្នកពីវាបានទៀត។

8. វិធានការសុវត្ថិភាព

   យើងថែរក្សា និងអនុវត្តវិធានការសុវត្ថិភាពផ្នែករូបវន្ត អេឡិចត្រូនិក និងអង្គការដែលសមស្រប ដើម្បីការពារទិន្នន័យផ្ទាល់ខ្លួនរបស់អ្នក មិនឲ្យរងការបំផ្លាញ ឬបាត់បង់ដោយចៃដន្យ ឬខុសច្បាប់ ការផ្លាស់ប្តូរ ឬការបង្ហាញ ឬការចូលប្រើដោយគ្មានការអនុញ្ញាត។

9. ការចូលមើល ឬកែប្រែព័ត៌មានរបស់អ្នក

   អ្នកអាចកែប្រែទិន្នន័យផ្ទាល់ខ្លួនរបស់អ្នក ដូចជា ឈ្មោះ និងលេខទូរស័ព្ទទំនាក់ទំនង នៅគ្រប់ពេលវេលា ដោយចូលទៅក្នុងគណនីរបស់អ្នកលើតំបន់បណ្តាញ។ ជម្រើសផ្សេងទៀត សូមទាក់ទងមកយើង តាមរយៈអ៊ីមែល [email protected] ដើម្បីអនុវត្តសិទ្ធិណាមួយខាងក្រោម៖

   • សិទ្ធិចូលមើល (Access): អ្នកមានសិទ្ធិក្នុងគ្រប់ពេលវេលា ទាមទារព័ត៌មានអំពីទិន្នន័យផ្ទាល់ខ្លួនរបស់អ្នក ដែលយើងកំពុងរក្សាទុក ស្របតាមច្បាប់ ដែលអាចពាក់ព័ន្ធនឹងការបង់ប្រាក់សមរម្យ សម្រាប់ការដោះស្រាយ និងដំណើរការសំណើរបស់អ្នក ដើម្បីចូលមើលទិន្នន័យផ្ទាល់ខ្លួន។
   • សិទ្ធិកែតម្រូវ (Rectification): អ្នកអាចស្នើឲ្យយើងកែតម្រូវ ទិន្នន័យផ្ទាល់ខ្លួនរបស់អ្នក ដែលមិនពេញលេញ ឬមិនត្រឹមត្រូវ។
   • សិទ្ធីឡុប (Deletion): អ្នកអាចស្នើឲ្យយើងលុបទិន្នន័យផ្ទាល់ខ្លួនរបស់អ្នក ឬគណនីរបស់អ្នក។
   • សិទ្ធិកំណត់ការដំណើរការ (Restrictions of Processing): អ្នកអាចស្នើឲ្យយើងបញ្ឈប់ ការដំណើរការទិន្នន័យផ្ទាល់ខ្លួនរបស់អ្នក ឧទាហរណ៍ បើអ្នកបានលើកយោបល់ប្រឆាំងនឹងការដំណើរការនោះ ហើយមូលហេតុត្រឹមត្រូវសម្រាប់ការដំណើរការ នៅតែស្ថិតនៅក្រោមការពិនិត្យជាពេល។
   • សិទ្ធិបដិសេធ (Objection): អ្នកអាចបដិសេធ ក្នុងគ្រប់ពេលវេលា មិនអនុញ្ញាតឲ្យយើង ដំណើរការទិន្នន័យផ្ទាល់ខ្លួនរបស់អ្នក សម្រាប់គោលបំណងផ្សព្វផ្សាយផ្ទាល់។
   • សិទ្ធិដកហូតការយល់ព្រម (Right to Revoke Consent): អ្នកមានសិទ្ធិដកហូតការយល់ព្រមរបស់អ្នក នៅគ្រប់ពេល ដោយមិនប៉ះពាល់ដល់ភាពស្របច្បាប់នៃការដំណើរការដែលបានអនុវត្តមកមុន ដោយផ្អែកលើការយល់ព្រមនោះ។
   • អ្វីផ្សេងទៀត៖ ការស្នើសុំផ្សេងៗទាក់ទងនឹងទិន្នន័យផ្ទាល់ខ្លួនរបស់អ្នក។

10. ការប្រើប្រាស់ និងផ្ទេរទិន្នន័យ (Data Portability)

    ប្រសិនបើអាចអនុវត្តបាន អ្នកអាចស្នើឲ្យយើង ផ្ញើឲ្យអ្នកនូវទិន្នន័យផ្ទាល់ខ្លួនរបស់អ្នក ដែលយើងកំពុងរក្សាទុក នៅក្នុងទ្រង់ទ្រាយស្តង់ដារដែលតាមម៉ាស៊ីនអាចអានបាន ដែលនឹងកំណត់ដោយយើងតាមឯកច្ឆន្ទ។

    ដើម្បីការពារ​ភាព​ឯកជន និងសុវត្ថិភាពរបស់អ្នក យើងនឹងផ្ទៀងផ្ទាត់អត្តសញ្ញាណរបស់អ្នកមុនពេលឆ្លើយតបចំពោះសំណើ និងសំណើរបស់អ្នក នឹងត្រូវបានឆ្លើយតបក្នុងរយៈពេលសមស្រប។ នៅក្នុងករណីខ្លះៗ យើងអាចមិនអាចអនុញ្ញាតឲ្យអ្នក ចូលមើលព័ត៌មានផ្ទាល់ខ្លួនមួយចំនួនបាន ឧទាហរណ៍ ប្រសិនបើព័ត៌មានផ្ទាល់ខ្លួនរបស់អ្នកពាក់ព័ន្ធ ឬភ្ជាប់ជាមួយព័ត៌មានផ្ទាល់ខ្លួនរបស់មនុស្សផ្សេងទៀត ឬដោយហេតុផលផ្លូវច្បាប់។ ក្នុងករណីដូច្នេះ យើងនឹងផ្តល់សេចក្តីពន្យល់ ដល់អ្នកអំពីមូលហេតុដែលអ្នកមិនអាចទទួលបានព័ត៌មាននោះបាន។ យើងក៏អាចបដិសេធ សំណើរបស់អ្នកសម្រាប់ការលុប ឬកែតម្រូវព័ត៌មានផ្ទាល់ខ្លួនរបស់អ្នក ដោយសារតម្រូវការច្បាប់ជាក់លាក់មួយចំនួន ជាពិសេស តម្រូវការដែលទាក់ទងនឹងដំណើរការគណនេយ្យ ការដោះស្រាយបណ្តឹងទាមទារ គោលបំណងរកឃើញ ឬការការពារការក្លែងបន្លំ និងតម្រូវការរក្សាទុកទិន្នន័យតាមច្បាប់ ដែលអាចមិនអនុញ្ញាតឲ្យលុប ឬធ្វើឱ្យទិន្នន័យក្លាយជាអនាមិកបាន។

11. ការបដិសេធទទួលការផ្សព្វផ្សាយពាណិជ្ជកម្ម

    ប្រសិនបើអ្នកមានបំណងលុបឈ្មោះចេញពីបញ្ជី ដើម្បីមិនឲ្យយើងដំណើរការ​ទិន្នន័យផ្ទាល់ខ្លួនរបស់អ្នក សម្រាប់គោលបំណងផ្សព្វផ្សាយពាណិជ្ជកម្ម និងប្រូម៉ូសិនណាមួយ សូមចុចលើតំណ (link) “unsubscribe” នៅក្នុងអ៊ីមែល ឬសារទាក់ទងនឹងការផ្សព្វផ្សាយពាណិជ្ជកម្មនោះ។ ជម្រើសផ្សេងទៀត អ្នកអាចទាក់ទងមកយើង តាមរយៈអ៊ីមែល [email protected] ដើម្បីស្នើសុំឲ្យឈប់ការដំណើរការទិន្នន័យ សម្រាប់គោលបំណងផ្សព្វផ្សាយ។

12. ការធ្វើបច្ចុប្បន្នភាពលើគោលការណ៍ភាពឯកជន

    ម្តងម្កាល យើងអាចធ្វើការកែប្រែ ឬធ្វើបច្ចុប្បន្នភាពលើគោលការណ៍ភាពឯកជននេះ ដើម្បីឆ្លុះបញ្ចាំង ការប្រែប្រួលផ្នែកច្បាប់ របៀបប្រមូល និងប្រើប្រាស់ព័ត៌មានរបស់យើង លក្ខណៈបន្ថែមលើតំបន់បណ្តាញរបស់យើង ឬបច្ចេកវិទ្យាថ្មីៗ។ ប្រសិនបើយើងធ្វើការកែប្រែ ដែលប្តូររបៀបដែលយើងប្រមូល ឬប្រើប្រាស់ ទិន្នន័យផ្ទាល់ខ្លួនរបស់អ្នក ការកែប្រែទាំងនោះ នឹងត្រូវបានបង្ហាញក្នុងគោលការណ៍ភាពឯកជននេះ ហើយកាលបរិច្ឆេទមានប្រសិទ្ធិភាព នឹងត្រូវបានកំណត់នៅផ្នែកខាងលើនៃគោលការណ៍នេះ។ ដូច្នេះ អ្នកគួរតែពិនិត្យមើលគោលការណ៍ភាពឯកជននេះ ជាទៀងទាត់ ដើម្បីធានាថា អ្នកបានទាន់សម័យ អំពីគោលការណ៍ និងការអនុវត្តបច្ចុប្បន្នរបស់យើង។ យើងក៏នឹងបង្ហាញយ៉ាងច្បាស់លាស់ អំពីការកែប្រែសំខាន់ៗមុនពេលអនុវត្ត (បើមាន) ហើយនឹងស្នើសុំការយល់ព្រមពីអ្នក ប្រសិនបើច្បាប់ទាមទារ។

13. តំណភ្ជាប់ទៅកាន់គេហទំព័រភាគីទីបី

    តំបន់បណ្តាញរបស់យើងមានតំណភ្ជាប់ទៅកាន់គេហទំព័រផ្សេងទៀត (“គេហទំព័រភាគីទីបី”)។ សូមកត់សម្គាល់ថា យើងមិនទទួលខុសត្រូវ ចំពោះការអនុវត្តគោលការណ៍ភាពឯកជន ឬមាតិការបស់គេហទំព័រភាគីទីបីទាំងនោះទេ។ យើងលើកទឹកចិត្តឱ្យអ្នកអាន គោលការណ៍ភាពឯកជនរបស់គេហទំព័រនីមួយៗ ដែលប្រមូលព័ត៌មានពីអ្នក មុនពេលអ្នកផ្តល់ព័ត៌មានផ្ទាល់ខ្លួនណាមួយ។ គោលការណ៍ភាពឯកជនរបស់យើង អនុវត្តតែលើព័ត៌មានដែលត្រូវបានប្រមូលដោយ Easybook ប៉ុណ្ណោះ ហើយមិនអនុវត្តលើគេហទំព័រភាគីទីបីឡើយ។

14. ការកែប្រែ និងការធ្វើបច្ចុប្បន្នភាព

    យើងមានសិទ្ធិកែប្រែ ធ្វើបច្ចុប្បន្នភាព ឬកែសម្រួលលក្ខខណ្ឌនានា នៃគោលការណ៍ភាពឯកជននេះ នៅគ្រប់ពេល ដោយការដាក់ប្រកាសគោលការណ៍ភាពឯកជនដែលបានធ្វើបច្ចុប្បន្នភាព លើតំបន់បណ្តាញ។ ដោយបន្តការចូលប្រើ ឬអន្តរកម្មជាមួយ Easybook បន្ទាប់ពីមានការកែប្រែ ការធ្វើបច្ចុប្បន្នភាព ឬការកែសម្រួលលើគោលការណ៍ភាពឯកជននេះ មានន័យថា អ្នកបានបញ្ជាក់ការយល់ព្រម និងទទួលស្គាល់ការកែប្រែ ការធ្វើបច្ចុប្បន្នភាព ឬការកែសម្រួលទាំងអស់នោះ។

ប្រសិនបើអ្នកមានសំណួរណាមួយទាក់ទងនឹងទិន្នន័យផ្ទាល់ខ្លួនរបស់អ្នក សូមទាក់ទងមកយើងតាមរយៈ៖

អ៊ីមែល: [email protected]
លេខទំនាក់ទំនង: +65 6333 1948
ម៉ោង ៨ ព្រឹក - ៦ ល្ងាច (ថ្ងៃច័ន្ទ ដល់ ថ្ងៃសុក្រ)
ម៉ោង ៨ ព្រឹក - ៥ ល្ងាច (ថ្ងៃសៅរ៍ និងថ្ងៃអាទិត្យ)

ជូនចំពោះ៖ មន្ត្រីការពារទិន្នន័យ (Data Protection Officer - DPO)

គោលការណ៍ភាពឯកជននេះ ត្រូវបានរៀបរាប់ ដំបូងជាភាសាអង់គ្លេស។ ការបកប្រែជាភាសាផ្សេងៗ អាចមាន ដើម្បីងាយស្រួលសម្រាប់អ្នក។ ក្នុងករណីដែលមានការខុសគ្នា រវាងកំណែភាសាអង់គ្លេស និងកំណែភាសាផ្សេងទៀត នោះកំណែភាសាអង់គ្លេស នឹងត្រូវបានចាត់ទុកថាជាកំណែមានសុពលភាពលើសគេ។